प्रशिक्षण अभ्यासक्रम

संचालनालया वरवीं उमेदवारांक केंद्रीय नुस्तें वेवसाय संस्था, नावीय आनी अभियांत्रिकी, पशुसंवर्धन, दुग्ध वेवसाय आनी नुस्तें वेवसाय खातें, भारत सरकार, फायन आर्टस एव्हेन्यु, कोचीन हांगा प्रशिक्षण अभ्यासक्रमां खातीर आनी ताच्या चेन्नाय आनी विशाखापट्टणम हांगाच्या युनिट्सांत फुडल्या अभ्यासक्रमां खातीर धाडटात.

1. व्हेसेल नेव्हिगेटर अभ्यासक्रम:- अभ्यासक्रमाची कालावधी 24 म्हयने.
2. सागरी फिटर अभ्यासक्रम:- अभ्यासक्रमाची कालावधी 24 म्हयने

दोनूय अभ्यासक्रमां खातीर पात्रताय:

1. पिराय :- 15 वर्सां ते 20 वर्सां
2. शिक्षणीक पात्रतायः यत्ता 10 वी वा समतुल्य परिक्षा गणीत आनी विज्ञानांत 40% गुणां सयत उत्तीर्ण.
3. शारिरीक क्षमताय:- नुस्तेमारी बोटी वेल्या दगदगीच्या कामा खातीर शारिरीक नदरेन सक्षम आसूंक जाय. व्हेसेल नेव्हिगेटर अभ्यासक्रमाच्या बाबतींत, मर्कंटायल मरीन खात्याच्या दोतोरांनी मान्यताय दिल्ली नवीन प्रवेश मानक दृश्टी चांचणीं पास करूंक जाय.

राज्य सरकारा वरवीं पुरस्कृत उमेदवारांक दर म्हयनो रु. 1500/- चे विद्यावेतन दितले.

डॉ. बाळासाहेब सावंत कोंकण कृषी विद्यापीठ, दापोळी, रत्नागिरी जिल्लो, महाराष्ट्र हांगा बॅचलर ऑफ फिशरीज सायन्स (नुस्तेमारी वेवसाय) मदले पदवी अभ्यासक्रमां खातीर खात्या वतीन उमेदवाराक पुरस्कृत करतात. पात्रताय:

1. शिक्षणीक पात्रताय:- भौतीकशास्त्र, रसायनशास्त्र, जीवशास्त्र आनी इंग्लीश हातूंत 35% गुणां सयत बारावी उत्तीर्ण.
2. निवासी:- गोंयांत 10 वर्सांचो निवास.