नुस्तें वेवसाय संचालनालयाचें मुख्य कार्यालय पणजी हांगा आसा. तें साधन सुविधात्मक सोयीची पुरवण करता जशें नुस्तेमारी बोट, पनेळ/फिशिंग क्राफ्टांची, नुस्तेमारी जाळें आनी हेर नोंदणी हाताळटा. नुस्तेकारांच्या आनी राज्यांतल्या नुस्तें वेवसायाच्या उन्नती खातीर संचालनालय वेगवेगळे विकासात्मक तशेंच कल्याण येवजण्यो लेगीत राबयतात.
संचालनालयाचे नुस्तें वेवसाय अधिकारी आनी नुस्तें वेवसाय सर्वेक्षक हांचो समावेश आशिल्ली एक नुस्तें वेवसाय विस्तार शाखा आसा, जी तिसवाडी, बार्देश, साश्ट, मुरगांव, फोंडें, पेडणें आनी काणकोण हांगाचे गट विकास कार्यालयां कडेन जोडिल्ली आसा आनी ताचे कोलवा, साश्ट गोंय हांगा उप कार्यालय आसा.
संचालनालया मार्फत एला धावजी, पोरणें गोंय हांगा नुस्तेमारी प्रशिक्षण केंद्र आनी एस्टुरायन फिश फार्म आनी हणजुणें हांगाचे फ्रेश वॉटर फीश सीड फार्म चलयतात.
संचालक नुस्तें वेवसाय संचालनालयाचे प्रमुख आसात आनी तांका उप-संचालक, सहाय्यक लेखा अधिकारी, संशोधन सहाय्यक आनी नुस्तें वेवसाय अधिक्षक हांचो सहाय्य मेळटा.
उपरोक्त समितीन सुचयल्ल्या शिफारशींच्या आदारान, नुस्तें वेवसाय संचालनालय अस्तित्वांत आयले (02 जानेवारी 1963 दिसाच्या शासकीय आदेश क्र. DF-372-FYP-62-27 वरवीं) आनी ते खातीर पयलेंच फावटी जिल्ल्यांतल्या सगळ्या नुस्तेमारी उपक्रम प्रभावीपणान वेवस्थाबद्ध जाले. नुस्तें वेवसाय संचालक हे खात्याचे प्रमुख आसात, जांका तांच्या कामांत आवश्यक तंत्रीक आनी प्रशासकीय कर्मचारी वर्ग सहाय्य करता. कर्मचारी वर्गाची 1974-75 हे वर्सा वट्ट संख्या 192 आशिल्ली. सध्याच्या कर्मचारी वर्गाची संख्या 217 आसा.
